Fifty Shades director-in Fifty Shades film dang a en dawn lo

Fifty Shades of Grey kha a hlawhtling hle a nih kha. Kha film director kha Sam Taylor-Johnson a ni. Fifty Shades Darker siam a ni leh a, he film erawh hi chu James Foley direct a ni thung. Ama direct a nih loh vang nge, a duh ang a ni lo hrim hrim, Fifty Shades of Grey director Sam Taylor-Johnson chuan en a chak hlawl lo tih a sawi.

Sam Taylor-Johnson hian Fifty Shades Darker chu en a chak hlawl lo tih a sawi bakah, Fifty Shades film dang Fifty Shades Freed chu la tihchhuah leh tur a ni a, he film hi direct dawn ta se, tihah a direct tawh dawn lo tih a sawi chiang.

Taylor-Johnson hian Fifty Shades of Grey a direct hnu khan a dang an siam zel chu a direct tawh dawn lo tih a sawi a, a bansan ta a ni. Fifty Shades film dang lo chhuak leh tur pawh en châkna a nei lo a, direct tur pawhin sawm leh mah se, a duh tawh dawn lo. A hmain Fifty Shades lehkhabu ziaktu EL James nen an inkar a ṭha lo niin an lo sawi tawh a ni. Fifty Shades of Grey kha a hlawhtling hle a nih kha. Kum 2015-a tihchhuah a ni a, khawvel pumah USD mtd 560 zet a thawk chhuak thei. Fifty Shades Darker thung khan khawvel pumah USD mtd 378.8 lalutin, a hmaa mi a tluk lo hle. Fifty Shades of Freed hi nakum Valentine’s Day-ah tihchhuah a ni ang.