Mi hmasa ber Katy Perry

Mihring siam hmasak ber lam a ni lo, Katy Perry hi khawvel mihring piang tawh zingah Twitter-a follower maktaduai 100 nei tling hmasa ber a ni.

Kum 32 mi zaithiam hian a studio album pangana, 'Witness' a tihchhuah hnu kar khatah mi hmasa ber nihna hi a chang. Twitter chuan Katy Perry-i'n follower maktaduai 100 a nei tling chu an lawmpui hle a, a lawmpui nan video clip an tichhuak nghe nghe.

Kum 2009 aṭang khan Katy Perry hian Twitter a hmang ṭan a, kum 2012 khan follower maktaduai 50 a nei tling tawh a ni. Tun­ah hian Twitter-a Katy dawta follower ngah ber chu Justin Bieber niin, follower maktaduai 96.7 a nei a, Barack Obama chuan mtd 90.8, Taylor Swift-i'n mtd 85.1 leh Rihanna-i'n mtd 74.1 a nei.