Honda BigWing Ṭhazual lengzem ; Latei Hringngen a 'Luangliam'

Honda BigWing Ṭhazual Lengzem chart-ah tunlai lengzem singer hmeichhe zinga lawm hlawh ber pawl Latei Hringngen chu pakhatna a ni a, a hla thar ber 'Luangliami' chu pakhatna a nihpui.

'Luangliami' hi ama phuah niin kar li vel liam taah khan YouTube-ah a dah chhuak a, thlirtu pawh an pung chakin nimin thleng khan nuai hnih chuangin an thlir tawh a ni. Lateii zai hian ngaihno a bei a, ngaihthlak a hahdam ṭhin. Tuna a hla thar, chart topper a nihpui mek 'Luangliami' pawh hi a hla dang ang bawkin ngaihthlak a hahdamin a mawi lehpek hle a, Music Video hmuh nuam tak nen tichhuakin chart topper a nihpui hi a phu. Chart tihchhuah leh huna a dinhmun tur hriat a chakawm tawh hle.

Ruati Liankhum 'Ka hmangaihte u' chu pahnihna a ni thung a, chart hmasa lamah khan pasarihna niin pahnihnaah a rawn invawrh a ni. Keimi X Zela Chuaungo 'Thawnthu ngaihnawm' chu pathumnaah a rawn invawrh bawk.

Lalropuii Pachuau 'He thinlung' chu palina niin Sangkimi Khiangte 'Leng zawng zingah' chu pangana a ni thung.

VL Rawna, Rpa Ralte, Adama & Sangtei, Kimkima x Gnie leh Pando ft. Sammy-te chu top 10-ah an lang bawk a ni.