Star Trek star Nichelle Nichols a thi

1960's sci-fi series Star Trek-a Lieutenant Nyota Uhura lem a chan avanga hriat hlawh tak Nichelle Nichols chu Inrinni khan kum 89 mi niin Silver City, New Mexico-ah 'awmlai' in a thi.

A thih thu hi a fapa Kyle Johnson chuan Facebook kaltlanga puangzarin hemi hnu lawk hian milar tam takin Nichols an ui thu hi social media lamah an tarlang nasa hle a ni.

Nichelle Nichols hi mihang hmeichhe zinga primetime television-a role pawimawh chang hmasa ber zinga mi niin vun rawng vanga inthliarhranna bang tichhetu ang hialin mi tam tak chuan an ngai. Star Trek-a a chan hnu hian NASA pawhin ruai chhunzawmin African-American leh hmeichhe tam zawk astronaut an nihna tura midang tiphurtu a nih theih beiseiin an ruai a ni.

Nichols hian Star Trek film panga vel laiah Uhura lem hi a chang a, a series episode 70 laiah a inlan bawk a ni. Chumai bakah chuan Star Trek animated series leh game-ahte pawh Uhura aw atan hian a aw a thawh hnem hle a, Star Trek khawvel tan chuan a boral ta pawh hi channa nasa tak a ni tih a chiang hle.