Colin Farrell: The Batman chhunzawmnaah chan leh a duh

The Batman film-a hnehsawh taka Oswald 'Oz' Cobblepot aka the Penguin lema chang Colin Farell chuan The Batman chhunzawmnaah a role ngai chu chan leh a duh thu a sawi.

Entertainment Tonight-in an kawmnaah hemi chungchang hi sawi chhuakin Penguin lema chan chu nuam a tih thu a sawi a ni.

Kum 46 mi lemchan thiam hi The Batman-ah khan Robert Pattinson leh Mat Reeves-te nen thawk hoin role pawimawh tak a chang a, a chevel pawh a hmuhnawm hle. Tunah hian HBO Max lamah Penguin standalone series siam turin inremna an ziakfel tawh bawk a, hma an la ṭan mek a ni. Series-a inlan leh mai chu duhtawk loin The Batman chhunzawmna siam a ni leh a nih ngat chuan a role ngai bawka chan leh a hreh lo.

Irish lemchan thiam Farrell channa tur The Penguin series-ah hian episode 10 a awm dawn tih a chiang tawh a, The Batman chhunzawmna pawh hi siam a ni dawn tih director Matt Reeves chuan April thla khan a lo sawi tawh bawk a ni.