J-Hope-a'n 'history' a siam

BTS member J-Hope chu Pathianni khan Lollapalooza festival-ah headline a ni a, South Korean artist zinga American music festival lian tham taka headline ni thei hmasa ber niin history a siam.

BTS lama a ṭhiante tel lo mah se SKorean rapper hian lawm a hlawh hle tho a, mi nuaih khat chuang hmaah a album thar 'Jack in the Box'-a hlate chu sain BTS hlate pawh a sa tel bawk a ni.

Sipai ni chungin BTS an perform thei dawn?
South Korean defence minister Lee Jong-sup chuan BTS-te chu sipaia ṭang chung pawhin an perform an phalsak mai thei niin a sawi!

SKorea mipate chu kum 30 an tlin hmain thla 18 tal an ram sipaia an ṭan a ngai a, K-Pop star-te erawh hi chu an ram sorkarin an ṭan theih hun an tihkhawtlai sak tawh a ni. Kum 2018 khan an ram sorkar chuan an Military Service Act chu ennawnin chu chu 'BTS Law' tite pawhin an sawi phah hial a ni. Mahse Jin chuan December hian kum 30 a tling tawh dawn si a, chuvang chuan sipaia a ṭan a ngai tawh dawn.

Lee Jong-sup chuan Thawhṭanni khan parliamentary session-ah BTS chungchang hi sawi chhuakin sipaia ṭang chunga an perform phalsak an nih chuan, an ram military chuan an ram duhdan a tihlawhtling thei dawn tho tih a sawi.

Pathianni khan Lollapalooza-ah inlanin S.Korean artist zinga American music festival lian thama headline hmasa ber a ni.