Realme Watch 3 India ramah zuar chhuak ṭan

Realme Watch 3 smartwatch chu nimin chhun aṭang khan India ramah zawrh chhuah ṭan a ni.

He smartwatch hi kar hmasa khan Realme Buds Air 3 Neo leh Buds Wireless 2S earphone-te nen tlangzarh niin nimin aṭang khan Flipkart leh Realme India website-ahte zawrh chhuah ṭan a ni. 1.8-inch touch screen display niin blood oxygen saturation (SpO2) en theihna a awm bakah a battery chu ni sarih daih tura hisap a ni. Dust- leh water-resistant niin Rs. 3,499-a zawrh tur a ni a, mahse nimin lamah erawh kha chuan Rs. 2,999-in an zuar thung.

Rawng chi hnih a dum leh grey a awm a, a resolution chu 240x286 pixel niin 500 nits brightness a nei a, Bluetooth calling support a ni bawk.