DC League of Super-Pets-in Nope a pet chhuak

Box Office-ah roreltu thar a awm a, chu chu 'DC League of Super-Pets' a ni.

Kar hmasa lam khan 'Nope' chu pakhatna a ni a, mahse kar tawp chart thar tihchhuahah erawh 'DC League of Super-Pets' hian a rawn pet chhuak nghal a ni. He film hi theatre 4,314-ah chhuah niin $23,003,441 a lalut a, 'Nope' erawh hi chuan theatre 3,807 aṭangin $18,588,875 a lalut thung.

'DC League of Super-Pets'-ah hian aw thawhtu pawh an hrawl hle a, Dwayne Johnson, Kevin Hart, kate MicKinnon, John Krasinski leh Keanu Reeves tih vel an ni nawk hlawm. Crtitics lam pawhin an fak angreng hle a, Rotten Tomatoes-ah chuan rating 6.40/10 hmuin mi 101-in an review a ni. He film hian US pawn lamah $18,300,000 hmu bawkin a sum hmuh chhuah tawh zawng zawng belhkhawm chu $41,303,441 a ni a, film siamna atan hian $mtd 90 vel an seng thung a ni.

Box Office Mojo chart-ah hian film thar lang a tam vak loa, top 10-ah film thar dang lang awmchhun chu 'Vengeance' a ni a, he film-ah hian John Mayer pawh a inlan nghe nghe.

Kar tawp liam ta North America Box Office-ah sum lengvak a tlem a, top 10-a lang ho zawng zawng sum hmuh chhuah belhkhawm chu $mtd 93 vel chiah a ni.