Parema Hla Hmangaihtu Isua kan la thlahlel hle

ICFAI Ṭhazual Fakna chart-ah Parema hla, tunlaia zaithiam lartena an sak ‘Hmangaihtu Isua’ chu a vawi hnih nan pakhatnaah a awm leh.

Zoram mipuite hian ‘Hma­ngaihtu Isua’ kan la thlahlel a, a hmangaihna kan la kham lo. Cancer natna avanga ṭawngṭaipui ngai, Parema hla phuah ‘Hmangaihtu Isua’ hian a zawnin pakhatna vawi hnih a luah ta. ICFAI Ṭhazual Fakna chart-a pakhatna luahtu hla, Parema hla ‘Hmangaihtu Isua’ hi Zoa, Henry Varte, Stacy, Hlimhlimi leh Mawitei te sak a ni.

‘Hmangaihtu Isua’ hla hi Parem­a hian a phuahna a rei tawh a, kum 2008-a mi daih tawh a ni. A hla phuah a khungkhawmna album ‘Phu loh hmangaihna’ album an siam lai buaipui chhoh tawh a ni a, mahse album-ah hian a tel lo. Hemi hnu hian Parema hla phuahte khungkhawmna album pahnih - ‘Ka rinchhan Lalpa’ leh ‘Ka vui lo Lalpa’ te tihchhuah a ni leh tawh a, chumi hnuah chuan he hla hi music video-in an siam ta a ni.

Hlimhlimi hla ‘Inenfiah rawh’ chu pahnihnaah bawk a awm leh a, pahnihnaah ṭum hnih a awmna a ni. Amtea hla ‘Ka hming a hria’ chu palina aṭangin pathumnaah a rawn kai a, Sangtei Renza hla ‘Hnehna Hla’ chu pathumna aṭangin palinaah a chhuk. Pasarihna aṭangin Adonai’s Choir hla ‘Ka van in’ chu panganaah a rawn kai. Top 10 aṭangin TBC Zaithanpuia hla ‘Zawh ka zuam lo’ a chhuak a, Temi Sailo hla thar ‘I thiam an hril’ tih chu 10-naah a rawn lang thar.

ICFAI Ṭhazual Fakna
1 Parema Hla - Hmangaihtu Isua

2 Hlimhlimi - Inenfiah rawh

3 Amtea - Ka hming a hria

4 Sangtei Renza - Hnehna Hla

5 Adonai’s Choir - Ka van In

6 Grace Lalchhanhimi - Kross-ah chuan

7 One In Christ - Chhum zin lohna

8 Seraphic Choir - I ta ka ni

9 Zorinsanga - Fak leh dil hun

10 Temii Sailo - I thiam an hril