Sangkimi Khiangte kuminah a rawn kir

‘Lunglam ka vai’ music video a tihchhuah hnuah a reh vang vang a, kuminah kum chanve a kal leh a, chutah Sangkimi Khiangte a rawn lang ve ta. Music video thar ‘Mang-ṭha mai le’ a rawn tichhuak.

Ṭhazual chart-ah pawh kan hmuh ‘Lunglam ka vai’ tih hla hnua Sangkimi Khiangte music video hmasa ber ‘Mangṭha mai le’ tih chu tihchhuah a ni ta. He hla hi John L. Chawngthu hla a ni a, video hi Ronald Zothan­tluanga siam a ni. Music hi David-a kutchhuak a ni a, Foster-a record a ni.

Music video a neih leh a tih­chhuah hmasak inkar a hla hle, Sangkimi Khiangte chuan “Eizawnna thil vang a ni. Kuminah hi chuan ka hman chho ta deuh dawnin ka hria a, music lamah pawh nikum lam ai chuan hma ka la nasa thei deuhin ka inring,” a ti. Tunah pawh hian hmachhawp lian tak a nei.

Sangkimi Khiangte hmachhawp hi record a zo tawh a, hla hlui, fam Lalzova phuah ngei mai kha a ni a, mi tam tak lunglen a kai tho ngei ang. Video shooting vel an la hmabak a, engtikah nge an tih ang tih erawh a la sawi thei lo.