Katy Perry ‘Witness’ hralh hnem ber

Katy Perry album thar ‘Witness’ chu kar liam ta chhunga US-a music album hralh hnem ber a ni a, Billboard 200 chart-ah pakhatna a luah.

Katy Perry album thar ‘Witness’ hi June 9 khan a hralh chhuak ṭan a, kar liam ta chhung zawng khan copy 180,000 zet a hralh hman a, heng zinga copy 162,000 hi album pang­ngai a ni a, a bak hi album tlukpui a ni. Katy Perry tan tuna a album hi Billboard 200 chart-a pakhatna luah thei a album pathumna a ni.

Katy hian kum 2010-a Teenage Dream album leh, kum 2013-a Prism album hmangte khan pakhatna a lo luah tawh a, a album thar ‘Witness’ hmang hian pakhatna a luah leh. ‘Witness’ album hi kumin­a Billboard 200 chart-a hmeichhe album, pakhatna lauh thei hmasa ber a ni. Hei bakah nikuma Gaga album ‘Joanne’ tihchhuah hnua kar khat chhunga hmeichhe album hralh hnem ber a ni. Joanne kha a tluk lo deuh a, kha album kha chawlhkar khat chhung­in copy 201,000 a hralh.

Kendrick Lamar album ‘DAMN’ hi hralh a kal reng a, tunah pawh pahnihnaah a la awm thei. He album hi chawlhkar kaw chhung chu top 10-ah a lang tawh a, album hlawhtling tak a ni. SZA album ‘Ctrl’ chu pathumna a ni a, DAMN hi copy 69,000 an hralh a, Ctrl hi copy 60,000 an hralh.

Billboard 200

“Witness” - Katy Perry (180,000)

“DAMN” - Kendrick Lamar (69,000)

“Ctrl” - SZA (60,000)

“Heart Break” - Lady Antebellum (53,000)

“More Life” - Drake (41,000)

“Divide (division sign)” - Ed Sheeran (41,000)

“Hopeless Fountain Kingdom” - Halsey (33,000)

“24K Magic” - Bruno Mars (33,000)

“Wolves” - Rise Against (29,000)

“Stoney - Post Malone (29,000)