American Idol-ah Lionel Richie?

Katy Perry an biak­tluk hnuah American Idol judge tur dang thawm a reh viau a, mahse chanchin ri leh hmasa ber chu Lionel Richie a ni. American Idol buatsaihtute chuan judge atan Lionel Richie an awt viau niin an sawi a, Lionel pawh hian a hreh lem lo.

TMZ-in a tarlan dan chuan American Idol hotute hian music lama mi ropui leh hmingthang Lio­nel Richie hi American Idol-a a judge chuan he show hi nasa takin a phui­sui dawn niin an ngai. Music lama tawnhriat nei ṭha leh ngah Lionel Richie hi an be tawh em tih erawh sawi lan a ni lo.

Fan-tena an lo sawi ve mai mai chu Lionel Ri­chie hi be ta se, eng zat nge a hlawh ang tih hi a ni. Katy Perry chu USD mtd 25 hlawh tura biak fel tawh a ni a, Lionel hi Katy an pek ang zat an pe phal ang em tih hi an lo thlir chu a ni. Hetihlai hian Randy Jackson chuan Ryan Seacrest hmun luah turin an bia niin a lo sawi ve thung. Ryan Seacrest hian buai a intih avangin American Idol a host thei tawh dawn lo niin a lang a, chu bakah Katy Perry aia hlawh tlem a duh chiah lo niin an sawi.