YouTube Billion Views club-ah Harry Styles 'Sign of the Times'

Harry Styles solo Music Video hmasa ber 'Sign of the Times' chuan YouTube lamah thlirtu tluklehdingawn a nei tling tawh.

Styles hian he music video hi kum 2017 khan a tichhuak a, Thawhlehni khan thlirtu tluklehdingawn a nei tling a ni. He hla hi a single album hmasa ber, ama hmingchawia a tihchhuaha mi kha niin Billboard Hot 100-ah palina lai a nihpui a, a album erawh kha chu Billboard 200 chart-ah pakhatna a nihpui thung.

One Direction star Harry Styles hian music video eng emaw zat tichhuak tawhin YouTube lamah pawh thlirtu maktaduai 200-300 vel chu a nei nual hlawm a, tluklehdingawn tling music video erawh 'Sign of the Times' chiah hi a la nei a ni.