Deauville-a chawimawina dawng tur Ana de Armas

Ana de Armas chuan September 2-11 inkara neih tur Deauville American Film Festival-ah Hollywood Rising-Star Award a dawng dawn.

He film festival-ah hian Marilyn Monroe lema a channa, tunhnaia thawm ngah tak 'Blonde' pawh tihchhuah a ni dawn nghe nghe a, director Andrew Dominik nen he festival-ah hian an inlan dawn a ni.

Cuban-a piang lemchanthiam Ana de Armas hi Hollywood film lar tak tak eng emaw zatah a inlan tawh a, Blade Runner 2049, Knives Out, Wasp Network bakah James Bond film thar ber 'No Time to Die'-ahte pawh khan a inlan a, tunhnai lawk khan Ben Affleck nena an channa 'Deep Water' pawh tihchhuah a ni leh tawh.

Deauville American Film Festival Hollywood Rising-Star Award hi Ryan Gosling (2011), Jessica Chastain (2011), Paul Dano (2012), Robert Pattinson (2015), Elizabeth Olsen (2015), Chloé Grace Moretz (2016), Daniel Radcliffe (2016), Shailene Woodley (2018), Elle Fanning (2018), Sophie Turner (2019) leh Dylan Penn (2021)-te pawhin an lo dawng tawh a ni.