Dolce & Gabbana vs. Cyrus chhungkua

Eng nge a chhan a hriat loh a, mahse Instagram lamah chuan an inchhâng na ang reng viau. Khawvela fashion house lian Dolce & Gabbana chuan Miley Cyrus thil post IG-a an chhan let mai bakah a nuṭa (unaupa) chu model-ah an hmang tawh dawn lo tih an puang bawk.

Spring 2018 Milan Fashion Week-ah Dolce & Gabbana chuan an thawmhnaw hatuah Miley Cyrus nuṭa, Braison chu an hmang a, hemi chung­chang hi Miley chuan Instagram-ah a sawi chhuak. “PS D&G, in politics vel hi chu ka thlawp lo hulhual...nimahsela artist naupang zawkte thawhrimna inlawmpui dan leh, mi zawng zawng hmuh theih tura inpho­chhuah dan hi chu ka thlawp khawp mai,” a ti. Eng politics nge awm a, a eng lai ber nge a duh loh tarlan a ni lo. Mahse mi ṭhenkhat chuan D&G-in US First Lady Melanie Trump an zawmpui hi niin an ngai.

He thu hi designer, Stefano Gabbana chuan a lo hmu rang hle. “I comment atthlak tak avang hian ani nen hian kan thawkho leh tawh lo ang,” tiin a chhang. Stefano chuan, “Italian kan ni a, politics chungchang hi kan theng a thawngah a thawk lo a, American lam phei chu mênah kan thlak,” a ti zui bawk.