Han Solo movie tur a buai

Star Wars movie spin-off film, Han Solo chanchin bik thlur bingna tur chu tun­ah hian a buai a, a chhuah hun tur pawh rinlawk theih a ni ta lo. He film director tur pahnih - Phil Lord leh Christopher Miller te chu production lam an khawih laklawh lai takin an bang tih an puang. Variety-in a report dan chuan Lord leh Miller leh, LucasFilm-a an executive, Kathleen Kennedy te inkarah hun eng emaw chen kalta

aṭang khan buaina a awm a, chuvang chuan Lord leh Miller te hi an bang ta a ni. Han Solo movie hi kum 2018 May 25-a tihchhuah tura ruahman kha a ni a, an hun ruahmanah hian hetiang a nih chuan an tihchhuah hman a rinawm loh ta hle.