Rebecca Lallawmsangi manager thar JC Mawitea

Mizo lengzem singer huhang ngah ber pawl Rebecca Lallawmsangi chuan a vawi khatna atan manager thar a nei a, chu chu JC Mawite (The Friday Show) a ni.

'Kan Khua' hitmaker leh The Friday Show host-te hian inremna an ziakfel tawh a, thawhdunna tur pawh an tifel tawh a ni. Rebecca Lallawmsangi hian Mizoram chhunga district hrang hrangah concert neih kual a tum a, chumi atan chuan JC Mawitea nen hian an thawkdun dawn a nih hmel.

A hmabak hmasa berah chuan September thla hian Champhaiah open air concert neih a tum a, tin, tun hnai lawk khan Serchhipah concert hlawhtling tak a nei tawh bawk a ni. Serchhip a concert a neih ṭum khan Saiwanah Sailo chu guest artist niin ticket an hralh zo mai ni loin an siam belh hial.

Champhaiah pawh hian Saiwanah Sailo hi an guest artist a ni leh dawn bawk a, ticket pawh a to dawn lo khawp mai. Rs 100 emaw 150 man emaw chuah a ni dawn.