Film/Series tlangzarh hun tur puanzarte

Chris Pratt-a 'Garfield'
Chris Pratt-a'n aw a thawhna tur animated film 'Garfield' chu February 16, 2024-ah tlangzarh a ni dawn. He film-ah hian Garfield-a aw atan Chris Pratt chuan a aw a thawh a, Samuel L. Jackson pawh he project-ah hian a tel dawn a ni.

'She-Hulk' premiere hun thar chu...
Marvel series 'She-Hulk: Attorney at Law' tihchhuah hun tur chu ni khata sawn hlat a ni a, Disney+ -ah August 18-ah tihchhuah ṭan a ni dawn tih Nilaini khan an puangzar. He series-ah hian Tim Roth, Mark Ruffalo, Benedict Wong, leh Charlie Cox te pawh an inlan dawn a, episode 10 a awm dawn a ni.

'Joker: Folie À Deux' tlangzarh hun tur a hriat ta
Todd Phillips-a Joker chhunzawmna 'Joker: Folie à Deux' chu October 4, 2024-ah tlangzarh a ni dawn. He film-ah hian Joaquin Phoenix chu Joker lemah a chang leh dawn a ni. Joker film hmasa kum 2019-a tihchhuah kha a hlawhtling rem rem hle a, Oscar award pahnih lai a dawn bakah nominee 11 lai a hmu.