Clooney-a’n a Tequila brand a hralh

George Clooney-a Tequila brand, Casamigos chu UK-a in tur lam siam chhuaktu lian, Diageo hnenah a hralh.

Casamigos brand hi kum 4 kalta khan Cloo­ney-a hoa din a ni a, Diageo hnenah hian USD tld 1 zetin an hralh dawn tih nemngheh a ni tawh. Diageo hian in tur lama brand lian tak tak an nei tawh a, chung zingah chuan Smirnoff, Baileys, Guinness leh Johnnie Walker te a tel. Casamigos hi George Clooney leh Cindy Crawford pasal, Rande Gerber leh Mike Meldman tena an din a ni.

Hralh tura an inrem danah chuan pawisa faiin USD mtd 700 chu an pe nghal ang a, a dang maktaduai 300 chu an hralh ṭhat dan anga la pek leh tur a ni. Casamigos hi US-ah chuan tequila brand zinga lar chak berte zinga mi a ni a, tun thla 12 chhung pawh hian case 170,000 hralh theih beisei a ni.