UK lal chhungkuain lal an châk lo!

Lalnu Elizabeth II a lal rei lutuk tawh a, midangin lal ve theih pawh an inbeisei tawh lo a, an bei a dawng tawh tihna lam ni chiah lo mah se, UK lal chhungkua, Windsor dynasty-a lal ṭhuthleng chang thei turte hian lal ṭhuthleng chan an châk lem lo.

Prince Harry chuan lal chhungkuate rilru hi tun­hnai khan a sawi chhuak a, lal chhungkua zinga tu amah hian lal nih an chak lo a, chung zingah chuan Prince William leh Kate Middleton te pawh an tel. Hemi avang hian an ram hi an ngaihsak lo tihna a ni lo tih sawiin, an ram hi an ngaihsak a, an hmangaih em em a, lal tiang lek erawh an châk lo thung.

Harry chuan, “Monarchy hi thil ṭha tur atana force awm a ni,” a ti. “British monarchy a lo changkan a, hma a lo sawn theihna turin theih­tawp kan chhuah ṭheuh a ni. He thil hi keimahni chauh ṭhatna tur a ni lo a, mipuite ṭhatna tur a ni,” a ti. Lal châk lo mah se, a koa tih tur awmte chu tihlawhtling a, hlen chhuak turin theihtawp a chhuah dawn a, chu­tiang rilru chu midangte pawhin an pu a ni a ti.