Tour turin Jay-Z a inpuahchah nghal

Album a tichhuak dawn tih Jay-Z chuan a puang a, a puan hnu lawk aṭangin tour nei turin a inpuahchah nghal.

Jay-Z album thar tur hi 4:44 a ni a, a album a tihchhuah hnuah tour a nei chhunzawm nghal dawn. Nipui lai hian tour ṭan hman a tum a, mahse favang lam atan a ruahman leh niin an sawi. Hetianga tour hun a tihkhawtlai leh chhan nia an sawi chu tunhnaiah a nupui Beyonce-i’n phir a hrin leh vang a ni an ti. Thla kim loin an piang nia report a ni a, eng emaw neuh neuh avangin damdawi inah chawlhkar khat vel lai an awm phah a ni.

Tour neih tur mai bakah hian festival chi hrang hrangah Jay-Z hi headliner tura biak a ni hlawm. A chetna tur lian zingah chuan UK-a V Festival, Made in America, Austin City Limits leh The Meadows te hi a lian zualte an ni. Jay-Z tour hnuhnung ber chu kum 2013-a Magna Carter World Tour kha a ni a, zaithiam dang eng emaw zat a hruai a, kuminah hian tu tu nge a hruai dawn a la hriat loh.