Mr. Bean-a car siam man a to

Car chhe siam man to lamah chuan Mr. Bean-a car chhe siam man hi a to ṭiah ṭiah hle a, Britain-ah phei chuan record a siam a, a car repair-na man hian car nalh ṭha tak a lei theih.

Mr. Bean tia kan hriat, Rowan Atkinson hian McLaren F1 a nei a, a car hi kum 2011 khan a vawi hnih nan a chesual. A chet­sualnaa a chhiate an repair-na man hi USD mtd 1.4 (Pound sterling 910,000) a ni. Hetiang taka a repair-na senso tam chhan hi carbon fibre-a siam a nih vang a ni. Mah­se a insure ve thlip thlep avangin amah tak chuan chawi a ngah lem lo ang.

McLaren F1 hi kum 1997 khan Atkinson hian a lei a, kum 16 kaltaa mi ni mah se, inflation avang leh, hetiang car hi khawvela a tlem em avang­in tuna a hlutna chu a tam hle tawh. McLaren hian F1 car hi 64 chiah an siam a, chung leitu zingah chuan Atkinson hi a tel. A siam ṭhatna man to viau mah se, a hlutna tur ngaihtuah chuan a to chung chung pawha a man pek mai kha a finthlak zawk. Amah hi rethei zawk zawk a ni bik lo a, a hausakna hi USD mtd 112 hu vel lai a ni.