Liam Gallagher-a’n Guitar ak, perh si lo a hrethiam lo

Oasis singer ṭhin Liam Gallagher chuan tunlai music khawvel a hriatthiam tawh loh thu a sawi a, rocker tia insawi, ṭingṭang aka perh chuang si lote a hrethiam lo.

Liam Gallgher chuan, “Mi tam tak ai hian music hi ka ngaina zual,” tia sawiin, “An nghâwngah guitar an ak ve ringawt a, guitar thâwm erawh hriat tur awm si lo,” tiin tunlaia rock band anga inchhal, an music-a guitar solo pawh awm lo, guitar thâwm hriat tur awm mang si lote a sawisel.

“Heng band-ho hian guitar music hlutna vawn nun tumin an rawn ding chhuak angin an insawi. Guitar music chhan him tur chuan in record-ah in thun tel tur a ni ngai a, mahse kei erawh chuan in hlaah te guitar thâwm ka hriat ve miah loh chu!” a ti.