ANGGU'S Group-in an kum 10 tlin lawm

Mizoram entertainment industry ṭhangduang tak, ANGGU'S Group chuan Inrinni liam ta zanah khan D&E Spot, Hualngohmun-ah an kum sawm tlin lawmna an nei.

Mizoram Youth Commission chairman Dr. Vanlaltanpuia, MLA chu khuallian niin, V.L. Hruaizela Khiangte, President, Green Mizoram Network & Deputy Commissioner, Saitual chu guest of honour a ni bawk.

Miss India Mizoram 2021 Muansangi Varte, Miss India Mizoram 2022, Hlui Sailo, Miss PUC Suzane Jaishi, Miss Varsity 2021 Mji Ralte, Miss Varsity 2022 Papuii, Mister Varsity 2021 Ashish Joshi, Mister Varsity 2022 Isaac Lalremruata, Mister Faith Mizoram Awmtea Chenkual leh Rubaru Mr India Finalist 2022 Fabian Lalrinpuia-te chu special guest an ni.

Angelina Paul chuan kaihruaiin Ngurthansanga Kawlni, Zorinzuali Khiangte, Rachel Lalnunkimi, Sangkimi Khiangte bakah Feli Fanai-te an zai.

ANGGU’S Group hi Anggu Ralte-in May 11, 2012 khan Hotel Ritz conference hall, Aizawl-ah ANGGU’S Management tiin bul a ṭan a, show leh event hrang hrang an buatsaih ṭhin a ni.

Kum 2016 aṭangin ANGGU’S Group Excellence Award an buatsaih ṭan a, Kum 2019 khan a hmasa ber atan 1st MEA – Mizoram Entertainment Award a buatsaih tawh bawk.