Apple-in Justin Timberlake channa film tichhuak dawn

Apple chuan Apple TV+ ah zaithiam Justin Timberlake film thar tur 'Palmer' chu an pechhuak dawn.

Justin hi a changtupa ber a ni dawn a, Eddie Palmer angin a chang dawn. College football star hlui a ni dawn a, Jail tang, a tanna aṭanga a chhuah hnua a nun pangngaia a kir leh dan chungchang a ni ang. Jail aṭanga a chhhuah hnuah zirtirtu Maggie nen an innei dawn a, Maggie lemah hian Alisha Wainwright a chang dawn a ni. Fisher Stevens chu director a ni dawn a, script chu film writer lar Cheryl Guerriero ziah a ni dawn thung.

He film-ah hian Juno Temple pawh a inlan dawn a, nikum September khan Timberlake a chang dawn tih hi puan a ni tawh a, November aṭang khan principal photography ṭan tawhin tlangzarh hun tur erawh tarlan a la ni lo.