BET Awards-ah Beyonce a ropui

Pathianni zan khan BET Awards 2017 chu Microsoft Theatre, Los Angeles-ah sem a ni a, Beyonce chawimawi zan a ni ber mai. Beyonce hian award panga a dawng a, a dawng tih hian pakhat chu a video ‘Sorry’ director-in a la a, mahse a hming a lan tho avangin kan chhiar tel. Chance The Rapper chu midangte tana a thawh nasat avangin Humanitarian Award hlan a ni.

Black Entertainment Television awards hi US-a midum leh hnam tenau dang te, music leh movie lama an inchawimawina a ni a, kum 2001 aṭang khan awards hi sem ṭan a ni.

Tun ṭum BET Awards-ah hian performer an ṭha hle. Bruno Mars chu performer zinga bul ṭantu a ni. Future pawh a zai ṭha a, 'Mask off' a sa a, lawm a hlawh hle a, Kendrick Lamar pawh kan hmu. Migos pawhin hla pahnih a sa a, Chris Brown pawh a inlar. Quavo leh Post Malone, Xscape, French Montana, Big Sean, J. Blige, Trey Songz leh Khalid te pawh an zai.

BET Awards winner ṭhenkhat
Best Female R&B/Pop Artist
Beyonce
Best Male R&B/Pop Artist
Bruno Mars
Viewers’ Choice
Beyonce ‘Sorry’
Best Group
Migos
Best Male Hip Hop Artist
Kendrick Lamar
Best Female Hip Hop Artist
Remy Ma
Video of the Year
Beyonce ‘Sorry’
Bruno Mars ‘24K Magic’
Best New Artist
Chance the Rapper
Sportswoman of the Year
Serena Williams
Sportsman of the Year
Stephen Curry
Album of the Year
Beyonce ‘Lemonade’