August 19-ah Blackpink hla thar 'Pink Venom'

Blackpink chuan Pathianni khan an hla thar 'Pink Venom' tihchhuah hun tur an puangzar a, August 19 hian an tichhuak dawn.

An album pahnihna tur 'Born Pink'-a hla awm tur zinga mi niin Jisoo, Jennie, Rosé leh Lisa-te hian thla hmasa thla tawp dawnah an album thar tur chungchang hi chu an lo tichiang tawh a, world tour an neih dawn thute pawh an lo puangzar tawh bawk a nih kha.

Blackpink hian Pathianni khan kum 6 an tling a, hemi pual hian Jisoo, Jennie, Rosé leh Lisa-te chuan post an siam ṭheuh a ni.

Kum 2020 October thla khan Blackpink hian an album puitling hmasa ber 'The Album' chu tichhuakin Billboard 200 chart lamah pahnihna an nihpui hial a, Album sales chart lamah phei chuan kar hnih lai pakhatna a ni.