'Return of the Living Dead' actor Clu Gulager a thi

NBC series 'The Virginian' leh 1985 horror-comedy 'The Return of the Living Dead' film a chan avanga hriat hlawh tak Clu Gulager chu kum 93 mi niin awmlaiin Zirtawpni khan a thi.

Clu Gulager fapa Sean baker chuan Pathianni khan Twitter kaltlangin a pa boral thu hi a puangzar a ni.

Clu Gulager hian lemchan khawvelah sulhnu a hnutchhiah hnem hman hle a, a film channa hmasa ber chu kum 1964-a tihchhuah 'The Killers' niin kum 2019-a tlangzarh film hit tak 'Once Upon a Time in Hollywood' kha feature film a inlan hnuhnun berna a ni ta a ni. TV Show-ah pawh a inlan hnem rem rem hle a, chung zingah chuan 'The Virginian' chu larpui berin Street Hawk leh Knight Rider-ahte pawh khan a inlan bawk.