'Scoob!: Holiday Haunt': Film music score an la record zel tho!

Warner Bros. Discovery-te chuan tunhnaia thuchhuah an siamah kum 2020-a tlangzarh 'Scoob!' chhunzawmna 'Scoob!: Holiday Haunt' production chu an tihtawp thu tarlang mah se film music score erawh an la record chhunzawm zel tho.

'Scoob!' director, tuna an tihtawp tak 'Scoob!: Holiday Haunt' producer Tony Cervone chuan hemi chunchang hi sawi chhuakin official-in siam a ni leh dawn lo tih puanzar ni tawh mah se musician leh stage tana pawisa an hman tur chu an pek vek tawh avangin recording chu an kaltlangpui zel tho tih a sawi a ni.

"Stage leh musician-te hlawh leh hman man in pek vek tawh hnuah movie siam ṭhulh leh ta se eng nge itih ang? Score chu i record tho ang!" tiin Instagram lama post-a siam caption-ah a ziak.

Warner Bros. Discovery chuan kar hmasa Thawhlehni khan 'Batgirl' siam tur an ṭhulh thu an puanzar pah khan 'Scoob!: Holiday Haunt' pawh an siam leh dawn lo tih an puangzar a ni.