Ed Sheeran-a’n a album a buaipui rei tawh

Glastonbury-a sawi luai khawpa che, Ed Sheeran hian a album tur a buaipuina a rei tawh a, mahse a la chhuak lawk dawn chuang lo.

Ed Sheeran hian a studio album palina tur hi kum ruk chhung ngawt chu a buaipui tawh tih a sawi a, chuti chung chuan a la peih chuang lo. Sheeran hian kum thum emaw kum li emaw vel a la ngai mai thei niin a sawi. A album palina tur hmingah hian mi tam tak chuan ‘Substract’ a vuah an ring a, hla ṭhenkhat pawh a peih tawh. Hmabak erawh a la ngah hle. Sheeran chuan “Plus album ka buaipui lai aṭanga ka buaipui tel tawh a ni,” a ti. Ed Sheeran hian kum 2011 khan ‘+’ (Plus) album a tichhuak tawh a, kum 2014 khan ‘Multiply’ leh tunah ‘Divide’ a ti­chhuak leh a ni.

Glastonbury Festival-ah khan Ed Sheeran hian backing track a hman avangin sawisel a hlawh hle. Pathianni khan Ed Sheeran hi a zaiah hetah hian backing track hi a hmang a ni awm e. Live veka perform tura an beisei laia back vocal vel­ah a record sa a hmang hi an hrethiam chiah lo a ni.

Ed Sheeran chuan he thu Twitter kaltlangin a chhang. “Ka sawifiah chiam beisei duh suh u. Ka live show-a ka tih apiang hi chu live a ni mai. Backing track a ni lo a, loop station a ni...khawngaihin lo google ve mai rawh” a ti.