Billboard-ah Lorde ‘Melodrama’ a ropui

New Zealand chhuak zaithiam Lorde hian ‘Royal’ a rawn hlawhtlinpui hnua a rawn lan lehna album a ropui a, Billboard 200 chart-ah pakhatna a luah chiang. Katy Perry pawhin a dal zo lo.

Lorde album thar hi ‘Melodrama’ a ni a, Billboard 200 chart-ah pakhatna a rawn luah a, kar liam ta chhung khan copy 109,000 zet a hralh. Heng zinga copy 82,000 hi album pangngai a ni a, a dang chu track leh streaming equivalent a ni.

‘Melodrama’ album hi Billboard 200 chart-a a zawna hmeichhe album pakhatnaa an awm vawi thumna a ni. Halsey album ‘Hopeless Fountain Kingdom’ kha pakhatna a nih hnuah Katy Perry album ‘Witness’ album a awm leh a, tunah Lorde album a awm leh a ni.

Kendrick Lamar album ‘DAMN’ hi a neu tak tak thei lo a, pahnihnaah bawk a awm leh a, kar liam ta chhung khan copy 70,000 zet a hralh belh leh thei. Jason Isbell album ‘The Nashville Sound’ chu copy 54,000 hralhin pathumnaah a awm. Katy Perry album ‘Witness’ erawh top 10-ah hmuh tur a awm tawh lo.

Billboard 200 chart

“Melodrama” - Lorde (109,000)

“Pretty Girls Like Trap Music” - 2 Chainz (106,000)

“DAMN” - Kendrick Lamar (70,000)

“The Nashville Sound” - Jason Isbell (54,000)

“Feed the Machine” - Nickelback (47,000)

“More Life” - Drake (42,000)

“Divide (division sign)” - Ed Sheeran (38,000)

“Beautiful Thugger Girls” - Young Thug (37,000)

“Crack-Up” - Fleet Foxes (34,000)

“24K Magic - Bruno Mars (30,000)