Rap khawvelah Iggy Azalea lo let dawn

Australian rapper Iggy Azalea chuan kum khat vel zen zawn rap a chawlhsan hnuah a lo let leh dawn thu a sawi.

Kum 32 mi 'Two Times' hitmmaker hian nikum khan project dang buaipui a duh vangin kum eng emaw zat chhung chu rimawi lam a hawi dawn loh thu a sawi tawh a, mahse Thawhṭanni khan Twitter lamah rimawi khawvel lama a lo let leh dawn thu hi a sawi leh ta a ni.

"Kum khat liam ta khan boruak chhe lam a hip ka nin em avangin rimawi chawlhsan ka tum tawh a. Mahse, ka thil zirchhuah tak chu, ka duh anga hun ka hman mek lai hian, a ni lo zawngin in awm reng dawn tih leh midang nunah in buai reng dawn tih hi a ni. Chuvang chuan muang takin hun ka hmang thei loa, nangni pawhin in thei bik lo.

Ka lo let leh mek a, lo ṭahpui rawh u," tiin Thawhṭanni khan a tweet.

Iggy Azalea hian studio album pathum tichhuak tawhin nikum khan a album hnuhnung ber 'The End of an Era' chu a tichhuak a ni.