Internet-a huhang ngah ber zingah Rihanna, BTS, Katy Perry, Chance The Rapper, Drake, Kim Kardashian
Time chanchinbuin Internet kaltlanga huhang ngah ber ber mi 25 a thlan chhuah zingah zaithiam hmel kan hmuh mai bakah K-Pop aṭanga khawvel hriat thama rawn invawrh BTS pawh an tel.
Time chanchinbuin Internet-a huhang ngah ber ber a thlan chhuah mi 25 zingah hian Drake, Kim Kardashian, Chance The Rapper, Rihanna, Katy Perry leh BTS te an lang. Chance The Rapper hi record deal pawh nei miah loa khawvel huapa rapper hlawhtlinga rawn inhlangkai thei tiin an fak a, internet chu a fan-te nena inlaichinna a siamna hmun a nih bakah a hlate a phochhuahna leh a hlawhtlinna a ni a ti.
Rihanna pawh hi amah hawtute leh a fan-te internet kaltlanga a dawr thiam avang te, music, fashion leh culture-a a ropuina a tihlanna hmanrua niin Time chanchinbu chuan a sawi. BTS hi Billboard Social 50 chart-ah a zawna chawlhkar 27 chhung pakhatna an ni thei hian internet-a huhang an neih lenzia a tilang tiin a sawi. YouTube-ah te a hlawhtlin a, a lar theih em avangin Katy Perry pawh hi Internet kaltlanga huhang nei lian ber zinga dah a ni. Chu mai bakah Twitter-a maktaduai 100 zet mai follower nei hmasa ber a ni bawk.
Most Influential People on the Internet-ah hian Kanye West a lang a, JK Rowling pawh a lang bawk. Lat Late Show host James Corden te, DJ Khaled, US president Donald Trump, footballer Cristiano Ronaldo, India prime minister Narendra Modi, Kim Kardashian West leh Drake te chu a lang zinga mi an ni.