Artist 100-ah Lorde a invawrh sang

‘Melodrama’ album a tichhuak chiah chu Billboard Artist 100 chart-ah Lorde a invawrh sang hle. Pakhatna em chu luah lo mah se, a album avanga nasa taka hma a sawn avang hian a tan chuan thil lawm­awm leh ropui tak a ni.

Billboard Artist 100 chart-ah Lorde hi a hmain 95-na a ni a, Melodrama album a tihchhuah hnuah pathumnaah a rawn invawrh chhuak thei. Melodrama album hi Billboard 200 chart-ah pawh pakhatna a ni a, kar khat chhungin copy 109,000 zet a hralh thei.

Artist 100-a pakhatna luahtu erawh chu Bruno Mars a ni. Katy Perry-i’n rawn luahlan zawk mah se, ropui ngai bawk a rawn ropui. Bruno Mars hi Artist 100-ah chawlh­kar lina atan pakhatna a luah leh. Ed Sheeran chu pahnihnaah bawk a awm leh a, kar hmasa pawh khan pahnihna a ni a, Lorde chu pathumna niin, Kendrick Lamar chu palinaah a awm a, panganaah DJ Khaled a awm.