Ellen DeGeneres-in mi 100 account-ah pawisa thunsak

Ellen DeGeneres chuan a show thlirtu, Venmo account nei mi 100 hnenah US dollar 250 a thunsak.

Thawhṭanni khan The Ellen DeGeneres Show tihchuah leh a ni a, he show-ah hian Ellen chuan TV screen-ah lo entute hming 100 a tarlang a, heng hming tarlante Venmo account-ah hian pawisa a thunsak tih a sawi a ni. Covid-19 avanga sum lama harsatna tawkte ṭanpui nan a nih thu a sawi.

A show lo thlir ṭhintu hri leng vanga harsatna tawkte chu a hnena sawi turin a hrilh a, chung hmingte chu a show TV screen-ah hian a tarlang ta a ni. "Hri leng vangin hun harsa tak kan tawng chho mek a, ka theih ang anga midangte kan ṭanpui ve theih nan, 'Venmo It Forward' campaign chu ka thawhpui mek a ni," tiin Ellen chuan a sawi bawk.