Linkin Park-in hla thar an buaipui

Chester Bennington a boral a, thu leh hla hun eng emaw chen an neih tawh loh hnuah Linkin Park bassist Dave Phoenix Farrell chuan hla thar an buaipui tih a sawi.

Phoenix chuan hripui leng vangin inkhung hrang hlawm mah se online-in a bandmate-te nen an inbe ṭhin tih sawiin, anmahni ṭheuhin hla tha phuah lamah pawh hma an la tih a sawi a ni.

Dan Really Likes Wine podcast-ah Phoenix hian an band-in hma thar an lak chungchang hi a sawi a, Zoom kaltlangin meeting neiin hla thar an buaipui thu hi a sawi a ni.

Chester a thih hnu khan Linkin Park mem­ber-te hi an reh hle a, Mike Shinoda chu thawm nei deuh ber niin, tunah Phoenix-a'n thawm a rawn nei hi Linkin Park fan-te tan chuan thu lawmawm tak a ni ngei ang. Hrileng tawp hunah chuan hla thar an neih ngei a beiseiawm hle a, Chester tel ve tawh lo tur erawh a hrilhai thlak dawn hle.

Kum 2017-a Chester a intihhlum hnu khan Los Angeles-ah memorial show an nei a, hemi hnu hian a band angin an reh zui hle. Mike Shinoda erawh chuan kum 2018 khan a bandmate-te chu an inpeih a nih phawt chuan tour ho turin a inring reng tih a lo sawi tawh a ni.

Nikum khan DJ Joe Hahn pawhin music thar tih­chhuah chungchang an sawi tih a lo sawi tawh bawk.