K-Pop contest inelna a awm dawn

Kum danga awm tawh ṭhin, Korean Cultural Centre of India (KCCI) ten India ram pum huapa inelna a buatsaih ṭhin, K-Pop contest-a Mizoram aiawh zawnna tura inelna chu vawiin hian neih a ni dawn a, a duh apiang tan en theih a ni a, en man a awm lo ang.

K-Pop Con hi KCCI leh Mizoram K-Pop Fan club (MKFC) te buatsaih a ni a, vawiin tlai dar 4 aṭanga dar 5:30 chhung hian Vanapa Hall-ah online audition-a tling mi 49 te an inel dawn. Zai lama tel tur hi pariat an ni a, dance group paruk an awm. He contest-a finalist te hi Delhi-a Grand Finale neih turah an kal leh dawn a ni. India aiawhin kum 2015 khan Frozen Crew chuan khawvel huap K-Pop Contest-ah an lo inlan tawh a, vawiin tlai hian Frozen Crew te chu speacial performer tur a ni.

K-Pop Con-ah hian KCCI-a an PR Manager, Kim Cham Seul pawh a rawn kal dawn a, he event buatsaihtute chuan a duh apiang en turin an sawm.