Group member tina hlawhtling One Direction

Billboard chuan an chart history te an keu let a, chuta an hmuh chu One Direction hi group member mal tin pawha hlawhtling em em group zingah an tel.

One Direction member te hian solo-in hla an tichhuak ta hlawm a, Billboard Hot 100-ah an lang pha vek. Chu mai bakah Billboard Hot 100 top 40-a member mal tina hlawhtling berte zinga mi an ni.

Group pakhata member tin hlawhtlin hnem lamah Wu Tang Clan tuman an tluk lo. He band member zinga pariatte solo hla chu Billboard Hot 100 top 40-ah a lang thei vek. Billboard-in hetiang a chhutah hian supergroup ang chi a chhut tel lo a, zaithiam rualte ṭum khat an thawhho avanga hlawhtling ang chi a chhut tel lo. Entir nan, USA for Africa ang te kha.

Wu-Tang Clan dawta member hlawhtlin tamna leh chu The Eagles a ni a, he band-a member pangate chuan Billboard Hot 100-a top 40-a lang pha hla an nei hlawm. Joe Walsh, Randy Meisner, Don Henley, Glenn Frey leh Timothy B. Schmit te hla kha top 40-ah a lang thei ṭheuh a, an guitarist hlui, Don Felder hla kha top 40-a a lang ṭep a, 43-na a ni.

One Direction-ah chuan Liam Payne-a hla ‘Strip That Down’ chu top 40-a a rawn lan thar avangin band member, mimal tina hlawhtling berte zingah an rawn tel a, The Beatles, Fleet Mac leh U2 te nen dinhmun khatah an ding. Zayn Malik chuan top 40-a lang thei hla a lo nei tawh a, chutiang bawkin Niall Horan leh Harry Styles te pawh an hlawhtling. Liam Payne a rawn hlawhtling ve leh ta a ni. Louis Tomlinson hi an zingah chuan a thleng tawi ber a, a hla ‘Just Hold On’ chu 52-na a ni.