Adele-i’n concert tour a zawng chhang lo

Zaithiam ropui leh hralh tla ni mah se, concert tour a nei ngai lo a, mahse kumina a concert tour neih ve chhun chu an hlut hle. Mahse Adele chuan a zawng chhang chuang lo.

A concert tour-a Down Under a fan lai khan tour a nei leh tawh ngai lo mai thei niin Adele hian a sawi chhuak a, kha thu bawk kha a sawi nawn leh. Adele lehkhathawn hman nia an tar chhuahah chuan “Concert tour hi kei chuan ka inhmeh ve vak lo a ni” a ti. Adele hian lehkhaah hian tour a neih dan chanchin a sawi a, “Tour hi ka tan chuan thil danglam tak a ni a, ka inhmeh ve vak lo tlat. Kei chu in lama tawm chi ka ni a, thil hote han buaipui vel hi nuam ka tih em em a ni,” a ti