GST duh lohna lantir

Vawiin aṭanga ram puma hman ṭan tur, sorkar laipuiin chhiah lak thar dan tur a siam Goods and Services Tax (GST) duhloin nimin khan Uttar Pradesh-ah sumdawngten nawrh an huaihawt. Sumdawngte hian Kanpur-ah lungawi lohna lantirin rel tlan tur an dang a, state khawpui Bhopal-ah pawh bazar hmunpuite khar vek a ni bawk. Agra-ah pawh sumdawngten an dawrte kharin, GST copy an hal. Ghaziabad-a sumdawngte pawhin GST duh lohna hi lantir an tum bawk a ni. Delhi-a Chandni Chowk-ah chuan textile leh apparel market-te chu GST duh lohin ni thum chhung an inkhar tawh a, bandh hi sumdawng 5,000 velin an zawm a ni.