Tlai dar 5:30-ah Portugal Vs Mexico

FIFA Confederations Cup pathumna zawnna chu Pathianni tlai dar 5:30 hian Portugal leh Mexico ten Spartak Stadium, Moscow-ah an khel dawn.

Inelna ṭan hmaa champion tum ngam ram pahnih an nih avangin pathumna inchuhna boruak a san a rinawm loh a, chutihrualin Portugal tan captain Cristiano Ronaldo a khel an nih nghat chuan Real Madrid hian mimal lawmman lak theihna hun ṭha chu bawhpelh a tum lo ang.

Ronaldo hian hian goal hnih a khung tawh a, assist vawi khat a nei tawh bawk. Amaherawhchu Portugal captain chungah hian Germany tana goal hnih khung tawhtu Leon Goretzka leh Timo Werner te an awm. Goal khung zat an inang a nih chuan assist ngah en tel tur a ni a, Timo Werner hian assist vawi khat a neih ve tawh tho avangin Ronaldo tan top scorer ni turin goal hnih tal khung ṭul ang.