Nikki Sixx-a’n Idol-ah judge nih a beisei

Motley Crue-a an bassist, an keyboardist ni bawk Nikki Sixx chuan American Idol an tuaithar turah beisei a nei a, Katy Perry leh Lionel Richie te ṭhutpui a châk.

Nikki Sixx hian American Idol judge nih a hreh hauh lo tih a sawi a, hlawh lamah pawh Katy Perry te ang pui pui hlawh loh pawn a hnial lo nia tarlan a ni. Nikki Sixx dinhmun hi tunah rih chuan sawi­thiam a har rih khawp mai a, ṭhenkhatin sum lam nena an ziah tawh laiin ṭhenkhat chuan inbiakna awm âwm pawhin an tarlang lo.

American Idol judge tur atan Lionel Richie hi biak mek nia sawi a ni bawk a, mahse a hlawh a tlem ang. USD mtd 3 aṭanga 5 inkar, a khawi emaw ber an hlawhtir dawn nia tarlan a ni. Nikki Sixx pawh hi judge a nih chuan chuti tehchiama tam chu an hlawhtir kher lo ang.

Ryan Seacrest hlawh tura an tawktarh erawh a tam leh deuh. Ryan Seacrest hi host leh tura biak nia sawi a ni a, pawisa an ken tel pawh USD mtd 10 aṭanga 12 inkar vel a ni awm e.