The Weeknd-a’n Selena inchei dan turah duh a nei

The Weeknd leh Selena Gomez te inngaihzawn thu hi khawvelin a ngaihven viau a, Selena tan pawn a hmaa a ngaihzawng nen chuan The Weeknd hi a danglam viau. The Weeknd hian inchei nana a duhzawng thlengin Selena Gomez a hrilh.

The Weeknd hi incheina lamah a conservative deuh hlek niin a lang a, Selena Gomez nena an inngaihzawnnain a daih rei theih nan chuan Selena hian thuamhnaw, a taksa lang tlem thei chi deuh a inbel a ngai a ti. The Weeknd hian milar ṭhenkhatin an taksa lang tam thei tura thawmhnaw pan te te an inbel te hi a ti meuh lo a, a bialnu chu a bialnu a nih reng theih nana thil pawimawh chu a taksa khuh tam thei zawk thawmhnaw a inbel a ngai a ti.

Canadian zaithiam hian miin thawm­hnaw thehlep tak tak an inbel ṭhin hi sawi­sel a tum lem lo a, mahse a bialnu tih atan erawh chuan a duh lo. Zah­awmna a ni lo a, ti-sexy-tu pawh a ni chuang lo a ti. A tan chuan Selena chu hetia a awm tawp pawh hian a sexy tawh a, thil danga belhchhah tum a ṭul lem lo.