Kim K-in KUWTK atan sum phut belh

Kim Kardashian a duhâm sawt a, Keeping Up With The Kardashian show-ah pawh pawisa a phut belh.

Kim Kardashian hian nau a pai a, hei hi news lian tak a tling a, hei vang hian an chhungkaw TV show pawh hlu sawt turah a ngai a, chuvang chuan pawisa hi a phut belh. Kim-i hian a nu, Kris Jenner hnenah amah avanga an chhungkaw show hlut sawt turzia hi hrilhin pawisa pek belh tur hian a hrilh a ni.

Keeping Up With The Kardashian show hi season 13 khan a hmaa mite a pha lo nasa hle mai a, he show hluttu hi an tlem sawt tihna a ni. Kim-i hian he show hlutna tlahniam hi a haider a, pawisa hi a phut belh lui nia sawi a ni. A ngaihdan chuan KUWTK tihlutu leh a starring ber chu amah hi a ni a, chuvang chuan he show hi a duh dan angin a kal tur a ni. Chumi awmzia chu an chhungkua, West chhungkua hian he show aṭang hian a hma aiin sum an hlawh hnem zawk tur a ni tih hi tuna a dinna a ni.