Amtea hming kan hre ta

Hontrade International Ṭhazual tihchhuah tharah Amtea’n pakhatna a rawn luah ta. Parema hlain pakhatna ṭum hnih a luah hnua nek chhuak thei a ni a, a neu lo.

Parema hla ‘Hmangaihtu Isua’ chu pakhatnaa a zawna ṭum hnih a awm hnuah Amtea hla ‘Ka hming a hria’ chuan a rawn nek chhuak. Parema hla hi tunlaia zaithiam lartena an sak a ni a, Amtea hian a malin a rawn hneh.

Amtea music video thar ‘Ka hming a hria’ tih hi May 22 aṭang khan Ṭhazual chart-ah hian kan hmu ṭan a, pasarihna a rawn luah. A vawi hnih lannaah palinaah a awm a, pathumnaah kai chho lehin, pahnihna zuan kânin pakhatna a rawn luah ta a ni.

Adonai’s Choir hla ‘Ka van in’ chu pangana aṭangin pahnihnaah a rawn lang a, a kal kân hnem khawp mai. A hmaa pakhatna, Parema hla ‘Hmangaihtu Isua’ chu pathumnaah a chhuk thla a, Hlimhlimi hla ‘Inenfiah rawh’ chu pahnihna aṭangin palinaah a chhuk thla a, ‘One in Christ’ chu pasarihna aṭangin an hla ‘Chhum zin lohna’ nen panganaah an rawn lang.

Top 10 aṭangin Grace Lalchhanhimi hla ‘Krossah chuan’ tih leh Zorinsanga hla ‘Fak leh dil hun’ tihte a chhuak a, Cindy Lalthanpuii hla thar ‘A mawi ber’ leh Maruati & Biteii hla thar ‘Krista au thawm’ tihte a rawn lang thar.

Hontrade Ṭhazual Fakna

1 Amtea - Ka hming a hria

2 Adonai’s Choir - Ka van In

3 Parema Hla - Hmangaihtu Isua

4 Hlimhlimi - Inenfiah rawh

5 One In Christ - Chhum zin lohna

6 Seraphic Choir - I ta ka ni

7 Sangtei Renza - Hnehna Hla

8 Cindy Lalthanpuii - A mawi ber

9 Temii Sailo - I thiam an hril

10 Maruati & Bitei - Krisa au thawm