Roreltu thar Despicable Me 3

North America-ah chuan Transformers aia ropui leh lawm hlawh a chhuak a, chu chu eng dang ni loin, Despicable Me 3 a ni. Sum hmuh lamah beisei pha lo mah se, sum erawh a lalut hnem hle.

Despicable Me 3 hi USD mtd 85 aṭanga 90 inkara hlawh chhuak thei tura beisei a nih laiin USD mtd 75.4 North America aṭangin a thawk chhuak. Beisei pha lo mah se, sum lalut hnem ber a ni tho tho. North Ameri­ca pawn lamah a che ṭha hle bawk. Ram dang

aṭanga kar tawp ni thum chhunga sum a thawh chhuah zawng zawng chu USD mtd 95.6 a ni a, hei hi ram 52 aṭangin a ni. Ram ṭhenkhatah chuan an lo chhuah hma deuh a, heng rama a sum lakluh te nen North America pawn aṭanga sum a hmuh­chhuah zawng zawng hi USD mtd 116.9 a tling.

Film chhunzawmna siam ang chi hi tunlai hian miin an ning ta deuh em ni aw tih theih a ni. Transformers: The Last Knight chuan a hmaa chhuakte opening week-a sum lakluh hnem lamah a tluk lo. Fifty Shades Darker film tihchhuah pawh khan a hmaa mi Fifty Shades of Grey a tluk lo a nih kha. Tunah Despicable Me 3 tihchhuah a ni leh a, a hmaa mite a tluk lo.

Beisei aia che ṭha chu Baby Driver a ni. Ni thum chhungin USD mtd 21 lai a thawk chhuak a, Nilaini aṭanga tihchhuah kha a ni a, Nilaini aṭanga sum a lakluh te nen USD mtd 30 lai a hmu tling thei. Transformers: The Last Knight chu pathumnaah a awm a, USD mtd 17 a lakluh belh leh.

Box office movie

“Despicable Me 3” - $mtd 75.4

“Baby Driver” - $mtd 21

“Transformers: The Last Knight” - $mtd 17

“Wonder Woman” - $mtd 16.1

“Cars 3” - $mtd 9.5

“The House” - $mtd 9

“47 Meters Down” - $mtd 4.7

“The Beguiled” - $mtd 3.2

“The Mummy” - $mtd 2.8

“Pirates of the Caribbean: Dead Men Tell No Tales” - $mtd 2.4