Kanye-a’n Tidal a chhuahsan
Jay-Z hoa company din nen hian an inbe ṭha hle emaw kan tih laiin an inbe ṭha chiah lo a ang, Kanye West chuan Jay-Z streaming service Tidal a chhuahsan.
Music streaming service lian pawl, Tidal-a an zaithiam neih ṭhat berte zinga Kanye West hian Tidal a chhuahsan chuan he streaming service hian kawng tam takah a tawrh ngei rin a ni. TMZ-in a tarlan dan chuan hun eng emaw chen aṭang tawh khan Kanye West hi Tidal company chungah a lawm tawh lo a, he company hian a chan tur USD mtd 3 a batsak niin a tarlang.
Tidal lam pawh tuna Kanye West thuthluknaah hian an lawm bik chuang lo khawp mai. An hnuaia Kanye West-a contract a la tawp lo a, Tidal hian a video thehlut tura a lo sawi tawh pawh a rawn thehlut lo a, hei vang hian court-a kalpui an tum tih an sawi.