Album thar nen Girls’ Generation

Kum 2015-a ‘Lion Heart’ an tihchhuah hnuah Girls’ Generation chu album thar nen an rawn kir dawn. Girls’ Generation hian an studio album parukna an tihchhuah tur thu hi an sawi chhuak a, hei hi an group-in kum 10 an tlin lawmna tur a ni pah ang.

Mi pariat - Taeyeon, Sunny, Tiffany (II), Hyo­yeon, Yuri, Sooyoung, Yoona leh Seohyun te awmna group hian an album thar tur hming leh engtikah chiah nge an tihchhuah ang tih an la puang chhuak lo. An puan chhuah pakhat chu August 5, an debut anniversary-ah khian Seoul Olympic Hall, Olympic Park-ah fan-te nena inhmuhkhawmna hun, “Girls’ Generation 10th Anniversary - Holiday to Remember” an buatsaih ang.

Girls’ Generation album tihchhuah hnuhnung ber hi kum 2015-a Lion Heart kha a ni. Album tihchhuah tur thu an puan chhuah hma hian SMTOWN LIVE WORLD TOUR in SEOUL”-ah an inlan dawn tih an sawi a, July 8-a neih tur a ni.