Kristian ṭha tak nia sawi Justin Bieber

‘An man,’ ‘A ṭhen­awm­ten an hek’ tih vel chanchin ringawt karah Justin Bieber hi Kristianṭha tak a ni tih thu tunhnai khan Australia-a TV show, ‘Sunrise’-ah pastor Carl Lent chuan a sawi chhuak.

Rev. Carl Lentz chuan, “Justin-a hi Kristian ṭha tak a ni. Harsatna hi a hnung lamah chauh an awm lo a, a hma lama thil lo thleng tur atan tunah hian a hma lam a thlir lawk a ni. Isua nena an inlaichinna hian ni tina a nun a tidanglam a ni,” a ti.

Australia-a an zin ṭumin Justin Bieber hi Hillsong Kohhranah a inkhawm ṭhin a, Carl Lentz hi Hillsong Kohhran pastor a ni. A nunah harsatna hrang hrangin bawh buai ṭhin mah se, Isua a rin avangin harsatna chu a hneh a, a kal pel a, nun pangngaiin a nun leh theih phah ṭhin niin pastor hian a sawi.

Tunhnai mai khan amah Justin Bieber pawhin Pathian nena inlaichinna ṭha an neih chuan nun hlimawm taka nung thei turin a pui tih a sawi a, hun buaithlak leh mualphothlak tak a paltlang aṭang khan Pathian nena an inlaichinna hian nun ṭha a siamsak niin a sawi.