50 Most Influential Young Indians-ah Mizo pahnih

Khawvel huap pawha chanchinbu lar, GQ Indian edition chuan India mi, kum 40 chin hnuai lam, huhang ngah mi 50 a thlang chhuak a, a thlan chhuah zingah Lalthantluanga S/o Vanneihtluanga leh Lalnunpuia S/o K. Sapdanga te pawh an tel.

Zirtawpni khan GQ hian Hyatt Regency Delhi-ah 50 Most Influential Young Indians te hming hi a puang chhuak a, heng mite chanchin leh an hnathawh, huhang an ngah dante hi July GQ chanchinbu chhuakah tarlan a ni ang.

GQ chanchinbu hian kum tinin 50 Influential Young Indians hi an thlang ṭhin a, nikuma an thlan chhuah zingah Sunil Chhetri, Ranveer Singh, Akash Ambani te chu an lo tel tawh. List-a langte hi kan nun dan, hnathawh leh kawng hrang hranga huhang ngah an ni a, a ṭhen chu sumdawnna lama mi te, politics, technology, lifestyle, sport leh culture lama mite an ni.